Pertencemos a un grupo empresarial con ampla experiencia no deseño, construcción e rehabilitación de vivendas no ámbito rural, respectando a tipoloxía e as técnicas tradicionais así como o carácter propio da casa tradicional galega. Procuramos sempre os materias apropiados a cada construcción, buscando unha boa integración na contorna.
Contamos con unha plantilla de profesionais que posibilitan o feito de podermos desenvolver un proxecto desde o inicio até a fase final da execución, conforme ás necesidades do cliente.
Amais do persoal, tamén dispoñemos da maquinaria e dos recursos técnicos precisos para poder levar a cabo estes proxectos.
Sabemos dos apuros que provoca unha rehabilitación. Ben por necesidade ou ben por querer dar un novo aire ao espazo vital ou profesional, saberemos adaptarnos ás súas necesidades e ás súas preferencias atopando a proposta que mellor encaixe coa súa personalidade, sen esquecer a funcionalidade do novo espazo e procurando en todo momento evitarlle as complicacións propias dunha rehabilitación.
Home Galicia traballará con vostede na concreción de ideas e na definición do proxecto, encargarase das xestións administrativas e dos trámites burocráticos precisos e realizará a obra baixo os tres criterios que lle son propios: calidade na construción, calidade nos acabados e cumprimento dos prazos acordados.
